बिष्णु माझी सार्वजनिक नहुनु र उनको अर्को फोटो नबन्नुको कारण यस्तो रहेछ

समाचार

काठमाण्डौ । देशकै चर्चित गायिका कुनै सञ्चार माध्यममा छाउँदिनन् न त देश विदेशको कन्सर्टमै देखा पर्छिन् । यो हविगत कसले बनायो ?

झण्डै साढे ५ हजार गीतमा स्वर भरिसकेकी र दशकभन्दा बढी समयदेखि लोकगायनमा जमेकी विष्णुको जीवन गुमनाम कसले बनाइरहेछ ?

उनको साढे ५ हजारभन्दा बढी गीत भेटिने ठाउँमा किन एउटै मात्र फोटो प्रयोग भइरहेको छ ?

सांगीतिक क्षेत्रका लागि उर्वर भूमि स्याङ्जामा जन्मिएकी हुन् विष्णु । त्यही ठाउँमा जन्मिएका चर्चित गायक छन् बद्री पंगेनी, एकनारायण भण्डारी, भगवान् भण्डारी, रामजी खाँडलगायत ।

सांगीतिक फाँटमा चलिरहेको चर्चाअनुसार विष्णुलाई आफ्नै श्रीमान् सुन्दरमणि अधिकारीले बन्धकजस्तै बनाएका छन् । उनीसँग निर्णयको केही अधिकार छैन । सबै ठाउँमा सुन्दरमणि हाबी भइदिन्छन् ।

जस्तो दुई साताअघि मात्र यस्तै दृश्य देखा प¥यो । जब याम थापाले फोन घुमाए । गीतमा विष्णुको स्वर राख्न चाहेको तर सुन्दरमणिले विष्णुको पारिश्रमिक बढेको र दुई लाख पुगेको जवाफ फर्काए ।

यसअघि एउटा गीतमा स्वर दिएबापत डेढ लाख पारिश्रमिक बुझ्दै आएका सुन्दरमणिले एकै पटक ५० हजार बढाएपछि याम हच्किए र देवी घर्तीलाई रोजे । उनी स्टुडियोमा आउँदासमेत आफ्ना समकालीनहरूसँग बोल्न पाउँँदिनन् ।

दुई तीन घण्टा स्टुडियोमा रहँदा बाहिर सुन्दमरणि कुरिरहन्छन् र गीत गाइसकेपछि पारिश्रमिक बुझेर हिँड्ने गरेको उनीसँग गीत गाउने गायक तथा संगीतकार सुनाउँछन् ।

अर्थात् उनको जीवनमा स्वतन्त्रता भन्ने वस्तु नै खोसिएको छ । यस्तो लाग्छ, सास फेर्नसमेत विष्णुले सुन्दरमणिसँग अनुमति माग्नुपर्छ ।

यद्यपि, केही महिनाअघि स्याङ्जा जिल्ला प्रशासन कार्यालयमा पति सुन्दरमणिसँगै पुगेकी विष्णुले आफैं बाहिर निस्कन नचाहेको जवाफ दिएकी थिइन् ।

Leave a Reply

Your email address will not be published. Required fields are marked *