मेलम्ची नदीमा अचानक बाढी आउनुको कारण पत्ता लाग्यो

समाचार

काठमाडौं । गत असार १ मा मेलम्ची नदीमा बाढी आउनुको कारण पत्ता लागेको छ । हेलम्बु गाउँपालिकाले शनिबार एक सूचना जारी गर्दै गाउँपालिकाले वडा नम्बर १ स्थित सेमेसिदाङ हिमाल मुनि रहेको भेमाथाङ्ग चौरमा गएको पहिरोका कारण मेलम्चीमा बाढी आएको जनाएको हो ।

विज्ञ डा रविनराज निरौलालाई उद्धृत गर्दै गाउँपालिकाले चौरको २५ प्रतिशत भाग पहिरो गएकाले आकस्मिक बाढी आएको निष्कर्ष निकालेको छ ।सूचनामा चौरको ७५ प्रतिशतमध्ये कति भाग अझै पहिरो जानसक्ने यकिन नभएको जानकारी गराएको छ । थप बाढी अउनसक्ने भएकाले उच्च सावधानी अपनाउनसमेत गाउँपालिकाले अनुरोध गरेको छ ।

यसअघि असार २ मा सिन्धुपाल्चोकका एमाले सांसद तथा स्वास्थ्यमन्त्री शेरबहादुर तामाङले गर्नुभएको हवाइ निरीक्षणमा पनि पहिरोका कारण नदी थुनिएर बनेको ताल विस्फोट हुँदा बाढी आएको खुलेको थियो ।

Leave a Reply

Your email address will not be published. Required fields are marked *